Савецкая Беларусь пад рэдакцыяй Міхася Чарота

Аўтар: Ганна Севярынец.

Выдавецтва: Czabor Publishing, 2024 г.

660 с., цвёрдая вокладка.

Кніга выбраных артыкулаў "Савецкай Беларусі" часоў рэдактарства Міхася Чарота мае мэтай у агульных рысах аднавіць раннесавецкую паўсядзённасць, у тым ліку праз гісторыю рэдакцыйнага будня цэнтральнай беларускамоўнай газеты міжваеннага часу – фарпоста беларусізацыі, пляцоўкі для выказванняў новай беларускай інтэлігенцыі, што фармавалася ў спецыфічных умовах кардынальнай змены дзяржаўнага ладу, збудавання новых ідэалагічных канструктаў і зрухаў геапалітычнага ландшафту. У дадатку змешчаны архіўныя і мемуарныя дакументы, датычныя дзейнасці рэдактара і рэдакцыі, якія друкуюцца ўпершыню.